काठमाडौं, ११ जेठ– गोली प्रहारबाट घाइते भएका माओवादी केन्द्र कपिल्वस्तुका जिल्ला नेता दीपक पाण्डेको निधन भएको छ । युनिभर्सल मेडिकल कलेज भैरहवामा उपचार गराइरहेका उनको अवस्था थप गम्भीर भएपछि गएराति थप उपचारका लागि हेलिकोप्टरबाट काठमााडौं ल्याइएको थियो । पाण्डेको त्रिवि शिक्षण अस्पताल, महाराजगञ्जमा उपचार सुरु भएलगत्तै मृत्यु भएको कपिलवस्तु प्रहरी प्रवक्ता डिएसपी धर्म भण्डारीले जानकारी दिनुभयो । पाण्डेको पेट र कम्मरमा २ गोली लागेको थियो ।
पाण्डेमाथि गएको बुधबार राति कपिलवस्तुकै सडवामा गोली प्रहार भएको थियो । घटनामा सँगै घाइते भएका एक भारतीय नागरिकको अवस्था भने सामान्य छ । घटनामा संलग्न रहेको आरोपमा प्रहरीले कपिलवस्तु नगरपालिका–१ का ३९ वर्षीय ओमप्रकाश यादव र सोही नगरपालिका–२ का ३३ वर्षीय साकिर अलीलाई पक्राउ गरेको छ ।
प्रतिक्रिया दिनुहोस्