अध्यक्ष प्रचण्डसँगको अन्तर्वार्ता 

सर्वोच्च अदालतले प्रतिनिधि सभा पुनर्स्थापना गर्ने फैसला गरेको छ। यो पुनर्स्थापनालाई कसरी हेर्नु भएको छ ?

संविधानवाद र संविधानको लोकतन्त्र, राष्ट्रियता र आम नेपाली जनताको जितको रूपमा मैले यसलाई हेरेको छु। निकै अप्ठेरो परिस्थितिबाट देश गुज्रिएको थियो। आज सर्वोच्चले जो फैसला गरेको छ, त्यसले संविधान, राष्ट्रियता, लोकतन्त्र र जनताको हितको पक्षमा सही निर्णय गरेको छ। अदालत फैसलालाई म स्वागत गर्छु। संवैधानिक इजलास, न्यायाधीश, प्रधानन्यायाधीशसहित सबैलाई धन्यवाद र बधाई दिन चाहन्छु।’

तपाईंहरूको गठबन्धनले अब सरकार बनाउँछरु गठबन्धनको सरकार बन्छ कि तपाईंहरू के गर्नुहुन्छ ?

अब हामी गठबन्धन बनाएर नै हामीले तीन वटा मूलभुत कुरा भनेका थियौं( संविधानवादको रक्षा, लोकतन्त्रको मूल्य मान्यताको रक्षा र राष्ट्रियताको रक्षा त्यही भनेर अगाडि बढेका थियौं। र एकमतले नै अगाडि गएको हुनाले यसैका लागि हामीले गठबन्धन बनाएर अगाडि बढेका थियौं। अब पनि गठबन्धनकै सरकार बन्छ र सरकारमात्र होइन अलि परसम्म नै यो गठबन्धनमार्फत् राष्ट्र र जनताको हितमा समर्पित भएर लाग्ने हाम्रो प्रतिवद्धता छ।’

चुनाव जहिले हुन्छ (६ महिना, एक वर्ष डेढ वर्ष)  त्यसमा पनि तपाईंहरू सँगै जाने भन्नुभएको हो ?

हजुर, अब चुनावमा र जनताको विकास निर्णयमा समृद्धिको यात्रा लोकतन्त्रको सुद्धृढीकरण सबैमा हामीले अलिक लामैं राणनीतिक सोच बनाएर नै यो गठबन्धन बनाएका हौं। हामी परेसम्म जान्छौं।

तपाईंहरू गठबन्धन बनाउँदा एमालेको एक तप्का माधव नेपालको समूह थियो, त्यो अहिले पनि छ। एमालेभित्र कार्यदलले हिजो १० बुँदे तयार गरेको छ। तपाईंले हिजोमात्रै माधव नेपालसँग भेट्नुभएको थियो। उहाँको सहभागिता के हुन्छ अब यो गठबन्धनमा ?

अब मलाई लाग्छ। अहिले हामी माधवजीसमेत ५ दलको बैठक बस्ने निर्णय गरिसकेका छौं। बैठक बसेर गठबन्धनलाई नै सुद्धृढ गरेर लैजाने कोशिशमा हुन्छौं। हिजो उहाँहरूले राति उहाँहरूले जे गर्नुभएको थियो, रातारात जुन नाटकीय ढंगले त्यो गलत थियो भनेर माधवजीले नै भनिसक्नु भएको छ।

मलाई विश्वास छ। अब पुरै एमाले माधव नेपालकैं नेतृत्वमा आउने स्थिति बन्यो भने धेरै राम्रो हुन्छ। त्यस्तो बन्यो भने गठबन्धन राम्ररी जान्छ। यदि त्यस्तो भएन भने पनि हामीलाई विश्वास छ माधवजीको नेतृत्ववाला जुन टिम छ त्यो टिम चै गठबन्धलाईलाई जोगाएरै लाने हुन्छ। हाम्रो कोशिस पनि उहाँलाई सहयोग गर्ने नै हुन्छ।