काठमाडौं २३ पुस । आज आइतबार एमाले अध्यक्ष केपी ओली र माओवादी अध्यक्ष प्रचण्डबीच भेटवार्ता हुने भएको छ ।
चुनाव लगत्तै पार्टी एकता गर्ने सहमति गरेका दुई नेताबीच आजको भेटमा एकताको ठोस मोटालिटी बन्ने विश्वास गरिएको छ । पहिले दुई नेताबीच सहमति गरेर नै एकता संयोजन समितिको बैठक बस्ने भएकाले पनि भेटलाई महत्वका साथ हेरिएको छ ।
नियमित स्वास्थ्य परीक्षणका लागि ओली बुधबार बैंकक जानुअघि नै एकताका विषयमा ठोस सहमति गर्ने दुई नेताको तयारी छ । सम्भवतः आज दुई नेताबीच एकताको विषयमा कुनै सहमति हुन सके भोलि एकता संयोजन समितिको बैठकसमेत बस्नेछ ।
प्रतिक्रिया दिनुहोस्