काठमाडौँ, ३ बैशाख । नेपाली कांग्रेसका महामन्त्री गगन थापाले आगामी स्थानीय तहको निर्वाचनमा अन्य पार्टीसँग तालमेल गर्ने कि नगर्ने भन्ने विषयमा पार्टीभित्र सघन बहस भएको बताउनुभएको छ ।
नयाँ वर्षको अवसरमा शनिबार काठमाडौंमा आयोजित चियापान कार्यक्रमलाई सम्बोधन गर्दै उहाँले आफू लगायत केहीको धारणा एक्लै चुनाव लड्नुपर्छ भन्नेनै रहेको बताउनुभयो । पार्टीका अन्य नेताहरुले भने कांग्रेस एक्लै आफ्नो तागतमा निर्वाचन लड्न सक्ने र लड्दै आएको भएपनि कम्युनिस्ट पार्टीहरुका कारणले तालमेल गर्नुपर्ने थापाले बताउनुभयो । पार्टीले तालमेल गर्ने निर्णय गरेको भए पनि त्यसको अधिकार तल्ला समितिलाई भएको थापाको भनाइ छ । तालमेल गर्न वा नगर्न तल्लो तहको कमिटी स्वत्नत्र रहेको भन्दै उहाँले तालमेलका लागि कसैले लाद्न नपाउने बताउनुभयो ।
प्रतिक्रिया दिनुहोस्