काठमाडौं, १२ मंसिर । सुनसरी क्षेत्र नम्बर ४ मा अस्ति शनिवारदेखि स्थगित भएको मतगणना सुरु गर्न निर्वाचन आयोगले निर्देशन दिएको छ ।
कांग्रेसबाट उम्मेदवार बनेका सञ्चारमन्त्रीसमेत रहेका ज्ञानेन्द्रबहादुर कार्कीले ६ सय ६ मत गडबड भएको भन्दै पुनः मतगणनाको माग गर्दै आयोगमा निवेदन दिनुभएको थियो । तर आयोगले पुनः मतगणना नभइ अहिलेसम्म गणना भएको बाहेक बाँकी मत गन्न निर्देशन दिएको छ ।
६० हजारभन्दा धेरै मतगणना हुँदा कार्कीले एमालेका जगशीदप्रसाद कुसियैतलाई ९८ मतले पछि पार्नुभएको छ । यसैबीच भोलि मङ्गलवार बिहान ७ बजे सर्वदलीय बैठक बसेपछि मतगणना सुरु हुने मुख्य निर्वाचन अधिकृतको कार्यालयले जनाएको छ ।
प्रतिक्रिया दिनुहोस्