काठमाडौं । जारी विश्व कप फाइनलमा एञ्जल डि मारियाको गोलमा अर्जेन्टिनाले कतार विश्वकपको फाइनलमा फ्रान्सविरुद्ध अग्रता दोब्बर बनाएको छ। खोलको पहिलो हाफसम्ममा अजेैन्टिना २–०को अग्रता कामय गरेको छ ।
खेलको ३६ औँ मिनेटमा एञ्जल डिमारियाको गोलमा अर्जेन्टिनाले अग्रता दोब्बर पारेका हुन्।
यसअघि खेलकोे २३ औँ मिनेटमा कप्तान लियोनल मेस्सीले पेनाल्टीमा गोल गर्दै टोलीलाई सुरुवाती अग्रता दिलाएका थिए।
विश्वकपको फाइनलमा फ्रान्सविरुद्ध मैदानमा उत्रिएसँगै अर्जेन्टिनी राष्ट्रिय टोलीका कप्तान लियोनल मेस्सीले अर्को कीर्तिमान बनाएका छन्।
मेस्सीका नाममा विश्वकप फुटबलमा सबैभन्दा धेरै खेल खेल्ने कीर्तिमान लेखिएको छ भने खेलको २३ औं मिनेटमा मेसीले पेनाल्टी मार्फत गोल गर्दै यस विश्वकपमा सर्वाधिक ६ गोल गर्न सफल भएका छन् ।
लुसैल स्टेडियममा सुरु भएको खेलमा मैदान टेक्नेबित्तिकै मेस्सी सर्वाधिक विश्वकप खेल्ने पहिलो खेलाडी हुन्।
मेस्सीले विश्वकपमा २६ औँ खेल खेलिरहेका छन्। यसअघि सेमिफाइनलमा क्रोएसियाविरुद्ध खेलेका मेस्सीले जर्मनीका लोथार मथाउसको २५ खेलको कीर्तिमान बराबरी गरेका थिए।
पाँचौ विश्वकप खेलिरहेका मेस्सीले दोस्रो पटक विश्वकपको फाइनल खेलिरहेका छन्। लगातार पाँच विश्वकप खेल्ने मेस्सी छैटौँ खेलाडी हुन्।
यसअघि एन्टोनियो कार्बजल, लोथर मथाउस, राफ मार्केज, एन्डेस गार्डाडो र क्रिस्टियानो रोनाल्डोले पाँच विश्वकप खेलेका छन्।
पाँच विश्वकप खेलेका पोर्चुगलका क्रिस्टियानो रोनाल्डोले २२ खेल मात्रै खेले। यो विश्वकप मेस्सी र रोनाल्डोका लागि नै अन्तिम हुने बताइसकेका छन्।
प्रतिक्रिया दिनुहोस्