काठमाडौं ११ पुस । नेपाली कांग्रेसका सभापति तथा पूर्व प्रधानमन्त्री शेरबहादुर देउवाले नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ प्रधानमन्त्री नियुक्त भएकोमा बधाई दिएका छन् । नेता देउवाले प्रचण्ड प्रधानमन्त्री नियुक्त भएको झण्डै१६ घण्टा पछि सोमबार बिहान माओवादी पदाधिकारी बैठक चलिरहेका बेला १० बजेतिर फोन गरेर बधाई दिएका हुन् । प्रचण्ड आइतबार सांझ ६ वजे सात दलीय वाम नेतृत्वको गठबन्धनका तर्फबाट प्रधानमन्त्रीमा नियुक्त भएका थिए ।

कांग्रेसका नेताहरूले फोन गर्नुभयो, बधाई दिनुभयो । भर्खर शेरबहादुर देउवाले पनि बधाई दिनुभयो’, उपाध्यक्ष कृष्णबहादुर महराले पदाधिकारी बैठक लगत्तै पत्रकारहरुसंग भने ‘रामचन्द्र पौडेल त खुलेर बोल्नुभयो, देउवाको हठले पुरानो गठबन्धन टुट्यो भन्नुभयो ।’

उपाध्यक्ष महराले पदाधिकारी बैठकपछि भने, ‘ अब कांग्रेसलाई पनि प्रधानमन्त्री स्वीकार्य भयो ।’