काठमाडौं १४ माघ । नेपाली कांग्रेसका नेता डा। शेखर कोइरालाले रवि लामिछानेको नागरिकता प्रकरणले देशमा कानुनी राज्य छ भनेर गतिलो उदाहरण देखाएको बताएका छन्।
शसनिबार विराटनगरमा आयोजित नेपाली कांग्रेसनिकट नेपाल प्रेस युनियन प्रदेश १ को प्रथम प्रदेश अधिवेशन उद्घाटनमा नेता कोइरालाले आफू गृहमन्त्री भएकाले लामिछानेले आफ्ना पक्षमा सम्पूर्ण राज्य संयन्त्र प्रयोग गरे पनि त्यसलाई चिर्दै अदालतले सही न्याय सम्पादन गरेको बताए।
मुलुकबाट न्याय मरिसकेको भनेर न्यायलयप्रतिको घट्दो विश्वासलाई शुक्रबार सर्वोच्च अदालतले गरेको फैसलाले विश्वासको सञ्चारमा मद्दत पुगेको नेता कोइरालाको भनाइ छ।
अर्को एक प्रंसगमा नेता कोइरालाले कांग्रेस ठूलो पार्टी भएकाले अहिले प्रमुख प्रतिपक्ष भए पनि कुनै पनि बेला सरकारको नेतृत्व गर्न सक्ने दाबी गरे।
उनले आगामी राष्ट्रपतिको चुनावमा कांग्रेसले उम्मेदवारी दिने बताएका छन्। पार्टीभित्र उम्मेदवारका विषयमा छलफल चलिरहेको र नाम टुंगो नलागे पनि उम्मेदवारी दिनेमा भने कांग्रेस प्रस्ट रहेको उनको भनाइ छ।
उनले संविधान भन्दा माथि कोही हुन नसक्ने भएपनि बर्तमन राष्ट्रपतिले गरेको असंवैधानिक क्रिक्रयाकलापले राज्य सञ्चालनमा ‘चेक एन्ड ब्यालेन्स’का निम्ति सत्ताबाहिरको दलबाट राष्ट्रपति हुन आवश्यक भएको दाबी पनि गरे।
गत निर्वाचनमा नेका–माओवादी गठबन्धन भएका बेला कोइराला पक्ष गगन थापाहरुदेखि गुरु घिमिरेसम्मका नेता कार्यकर्ताहरुले रवि लामिछानेको पार्टी घण्टी उमेद्वारलाई भोथ हाल्न निर्देशन दिएका थिए ।
निर्वाचन पछि लामिछानेको पार्टी एमाले अध्यक्ष केपी ओलीसंग नजिकिएपछि कांग्रेसीहरु क्रुद्ध भएका थिए ।
प्रतिक्रिया दिनुहोस्