काठमाडौँ, १६ माघ । सभामुख देवराज घिमिरेले नेपाली जनताका अधिकारलाई कुण्ठित गर्न खोज्ने अनेक खाले प्रयासलाई जनताले नै सफल हुन नदिएको बताएका छन् ।
सहिद दिवसका अवसरमा सभामुख घिमिरेले नेपालमा लोकतन्त्र प्राप्तिका लागि प्राणको आहुति दिने चार सहिदप्रति श्रद्धाञ्जलि अर्पण गर्दै सो धारणा राखे । “नेपाली जनताको अधिकार प्राप्तिको संघर्षमा चार शहीदको योगदानको म उच्च प्रशंसा गर्न चाहन्छु”, घिमिरेले भनेका छन्, “उहाँहरुकै कारण आज हामीले नागरिक स्वतन्त्रताको उपयोग गर्न पाएका छौँ ।”
घिमिरेले नेपालमा मूलतः राजनीतिक संघर्षको समय सकिएर विकास र समृद्धिको समय आएको पनि सो सन्देशमा बताए । उनले सुखी नेपाली समृद्ध नेपालको राष्ट्रिय आकांक्षा पूरा गर्नसके मात्र सहिदप्रति सच्चा श्रद्धाञ्जलि हुने उल्लेख गरेका छन् ।
प्रतिक्रिया दिनुहोस्