मुम्बइ, १३ चैत । बलिउड अभिनेता सलमान खानलाई इमेलमार्फत् ज्यान मार्ने धम्की दिने एकजना युवा पक्राउ परेका छन् ।

मुम्बइ प्रहरीको एक अपरेसनमाफर्त् अभिनेता खानलाई धम्की दिएको आरोपमा जोधपुरबाट २१ वर्षीय राम विश्नोईलाई पक्राउ गरिएको हो ।

मुम्बइ प्रहरीले राजस्थान प्रहरीसँग मिलेर गरेको ज्वाइन्ट अपरेसनमार्फत् जोधपुरबाट २१ वर्षीय विश्नोई पक्राउ परेका हुन् । मुम्बइ प्रहरीको अनुसन्धानपछि आरोपितलाई पञ्जाब प्रहरीसमक्ष सुम्पिँदै छ ।

सलमान खानलाई केही दिनअघि इमेलमार्फत् उनले धम्की दिएको आरोप छ । इमेलमा भनिएको थियो– ‘तिम्रो हालत पनि सिद्धु मुसेवालाको जस्तै हुनेछ ।’

सलमानलाई यो धम्की एक साताअघि दिइएको थियो । धम्कीपछि उनको घरको बाहिर सुरक्षा व्यवस्था कडा बनाइएको छ भने अवस्था ठिक नभएको भन्दै फ्यानहरुलाई नभेट्न पनि प्रहरीले सलमानलाई सुझाव दिएको थियो ।