रसुवा,२२ माघ । जापानी नागरिक लिएर ट्रेकिङका लागि रसुवाको पर्यटकीय क्षेत्र लाङटाङ पुगेका एक गाइड खोलामा खसेर बेपत्ता भएका छन् ।
संखुवासभा जिल्ला साबिकको याफू गाविस–९, का ४० वर्षीय पासाङछेन्दी शेर्पा फर्कने क्रममा पुलबाट खसेर बेपत्ता भएका हुन् । रसुवाको गोसाइँकुण्ड गाउँपालिका–४ स्थित पर्यटकीय क्षेत्र लाङटाङमा जापानी नागरिकको गाइडको रुपमा ट्रेकिङका गएका थिए ।
आइतबार बिहान ११ बजेतिर नवनिर्मित ट्रष्टको पुलबाट खसेर बेपत्ता भएको र खोजी कार्य जारी रहेको जिल्ला प्रहरी कार्यालय रसुवाले जनाएको छ ।
प्रतिक्रिया दिनुहोस्