काठमाडौं । नेपाली राष्ट्रिय क्रिकेट टोलीका पूर्वकप्तान पारस खड्का प्रादेशिक क्रिकेट संघ, बागमतीको अध्यक्ष निर्वाचित भएका छन्।
शुक्रबार ललितपुरको धोबिघाटस्थित एक होटलमा भएको निर्वाचनमा खड्का २३ मतसहित विजयी भएका हुन्।
पारससँग चितवन जिल्ला क्रिकेट संघका प्रतिनिधि उमेश पियाले पनि अध्यक्षका लागि प्रतिस्पर्धा गरेका थिए।
बागमती प्रदेश अध्यक्षका लागि भएको निर्वाचनमा खसेको कूल ३७ मतमध्ये खड्काले २३ मत प्राप्त गरे।
बागमतीको उपाध्यक्षमा प्रेम क्षत्री, सचिवमा पारस पक्षबाट ललितपुरका प्रशन्न शाक्य, कोषाध्यक्षमा भक्तपुरका सञ्जय बस्नेत विजयी भएका छन्।
बागमती प्रदेशका सदस्यता मान्यता प्राप्त काठमाडौं, भक्तपुर, ललितपुर र मकवानपुरले पारसलाई समर्थन गरेका थिए।
चितवन र नुवाकोट भने पारसको विपक्षमा चुनावी मैदानमा थिए।
प्रतिक्रिया दिनुहोस्