काठमाडौं । भारतीय क्रिकेट टोलीका पूर्व टेस्ट खेलाडी केएस भरत नेपाल प्रिमियर लिग (एनपीएल) को तेस्रो सिजनका लागि काठमाण्डू गोर्खाजमा अनुबन्धित भएका छन्।

काठमाण्डू गोर्खाजले सामाजिक सञ्जालमार्फत भरतलाई टोलीमा आबद्ध गरिएको जानकारी सार्वजनिक गरेको हो। आसन्न एनपीएल सिजनका लागि टोलीमा अनुबन्ध हुने भरत पहिलो विदेशी खेलाडी हुन्।

३२ वर्षीय विकेटकिपर–ब्याट्सम्यान भरतले भारतीय राष्ट्रिय टोलीबाट टेस्ट क्रिकेट खेलिसकेका छन्। उनले केही महिनाअघि अन्तर्राष्ट्रिय क्रिकेटबाट सन्न्यासको घोषणा गरेका थिए।

भरतसँग टी–२० क्रिकेटको पनि लामो अनुभव छ। उनले हालसम्म ९१ वटा ट्वान्टी–२० खेल खेल्दै ११ अर्धशतकको सहयोगमा एक हजार ८१२ रन बनाएका छन्।

अनुभवी भारतीय खेलाडीलाई अनुबन्ध गरेसँगै काठमाण्डू गोर्खाजले एनपीएलको तेस्रो सिजनका लागि आफ्नो टोली निर्माणलाई थप बलियो बनाउने प्रयास गरेको छ।

नेपाल प्रिमियर लिगको तेस्रो सिजन आगामी कात्तिक ९ गतेदेखि मंसिर ५ गतेसम्म आयोजना हुने तालिका रहेको छ।

Originally published on abcnews.com.np.