काठमाडौं,२५ माघ । उच्चस्तरीय परराष्ट्र नीति पुनरावलोकन कार्यदलले बिहीबार प्रधानमन्त्री शेरबहादुर देउवालाई प्रतिवेदन बुझाउदै छिमेक पहिलो नीति अवलम्बन गर्न सुझाव दिएको छ ।
कार्यदलले आज बिहीबार प्रधानमन्त्री शेरबहादुर देउवाले बुझाएको प्रतिवेदनमा चीन र भारतमा केन्द्रित हुन सुझाव दिइएको हो।
राजनीतिक, सैन्य, आर्थिक र संस्थागत गरी चार भागमा तयार पारिएको प्रतिवेदनमा संविधानमा व्यवस्था भएको निर्देशक सिद्धान्त तथा परराष्ट्र नीतिका आधारभूत मूल्य र मान्यताका साथै राष्ट्रिय हितलाई केन्द्रमा राख्नुपर्ने सुझाव दिइएको छ । कार्यदल सदस्य प्रा डा श्रीधर खत्रीले भने, ‘त्यसका लागि मिसन, दूतावास र परराष्ट्रलाई बलियो बनाउनुपर्छ ।’
प्रतिवेदनको निष्कर्ष समग्रमा राष्ट्रिय स्वार्थमा केन्द्रित रहेर वैदेशिक सम्बन्ध बनाउनु पर्छ भन्ने रहेको भन्दै उनले जुनसुकै सरकारले यसका आधारमा काम गर्न सक्ने बताए ।
सरकारको ८ बैशाखमा परराष्ट्र नीति सम्बन्धबारे सुझाव दिन १६ सदस्य कार्यदल निमार्ण गरको थियो ।
प्रतिक्रिया दिनुहोस्