काठमाडौ ३० भदौ । भक्तपुरको मध्यपुर ठिमी नगरपालिकामा सडक किनारा राखेको ठेलागाडा उठाउन पुगेको नगरप्रहरीमाथि ठेलागाडावालाले हातपात गरेको छन ।
ठेलामा सामान राखेर बेच्दै गरेकी एक महिलाको नगरप्रहरीले गाडा खोसेपछि ती महिला र  नगरप्रहरी बीच भएको मुडभेडमा घाँटी न्याकेको भिडियो अहिले सामाजिक सञ्जालमा भाइरल बनेको छ ।

कृष्ण अष्टमीको दिन राधेराधे मन्दिर छेउमा ती महिलाले गाडामा सामान बेच्न राखेकी थिइन् । सोहि बेला नगरप्रहरीको टोली पुगेपछि बेच्न राखेको कपडा भने भुईमा राखिदिएर उनको गाडामात्र खोसेर नगरप्रहरीले लिएर गएका थिए ।केहीबेर गाडा तानातान भएको थियो । गाडा नगरप्रहरीले उठाएर लगेपछि आक्रोशित ती महिलालाई गाडा छुटाउन तानिरहेकी महिला नगरप्रहरीलाई आक्रमण गर्न पुगिन् ।

उनले महिला नगरप्रहरी बुद्ध लक्ष्मी सुवाल अधिकारीलाई घाँटीमा न्याँकेपछि हिरिकहिरिक भएकी थिइन् ।छेउमा उभिएका सर्वसाधरणले देखेपछि महिलाबाट उनलाई छुटाउन खोजेका थिए । तर ती सर्वसाधारणले एक्लैले नसकेपछि अरु नगरप्रहरी र  तिन चार जनाको सहायतामा महिलानगरप्रहरीलाई ज्यान जानबाट जोगाए ।लगतै आक्रमणमा परेकी नगरप्रहरीले ती महिलालाई जाइलाग्न पुगेकी थिइन् ।

उनलाई अरु नगरप्रहरीले तानेर राखेको थिए । नगरप्रहरीको ज्यान जानेगरी आक्रमण गर्ने महिलालाई पक्राउ गरी एक दिन थुनामा राखेको र १० हजार जरिवाना तिराउने सहमति भएको थियो । नगरपालिकामा आएर उनले जरिवाना तिर्ने सहमति भएर छाडिएपनि उनी जरिवाना तिर्न अझै नआएको मध्यपुरठिमी नगरपालिकाका प्रवक्ता कृष्ण हरि आचार्यले बताए। प्रवक्ता आचार्यका अनुसार ती महिलाको नाम सुनिता भनेर भनेकी थिइन् ।