काठमाडौं, ५ असोज । नेपाल एयरलाइन्सको न्यारोबडी जहाजको इन्जिन जडान गर्ने क्रममा पुनः समस्या आएको छ । एयरलाइन्सको न्यारोबडी कल साइन नम्बर नाइन एक– ऐकेएक्स जहाजको इन्जिनमा समस्या आएको थियो । जसले गर्दा जहाज जुन २२ देखि ग्राउन्डेड थियो ।

करिब तीन महिना ग्राउन्डेडपछि गत सेप्टेम्बर १७ मा इन्जिन मर्मतको लागि इजरायल लगिएको थियो । जहाजको इन्जिन परिवर्तन गरेर जडान गर्दा पुनः समस्या आएको निगमका एक कर्मचारीले जानकारी दिए

“जहाजको इन्जिन परिवर्तन गरियो । जडान गर्दा सानो समस्या आएको हो । अब, त्यो मर्मत नगरेर फर्किने कुरा भएन । अहिले त्यसको मर्मत भइरहेको छ । जसले गर्दा मर्मतको लागि थप केही दिन लाग्ने भएको छ, ती कर्मचारीले बाह्रखरीसँग भने ।

उक्त विमानले शुक्रबारदेखि नियमित उडान गर्ने तालिका थियो । तर, जहाज इजरायलमा नै रोकिएपछि ती उडान रद्द भएको छ ।