काठमाडौं, २६ असोज ।  नेपालगन्जको बिपी चोक नजिकै आगलागी हुँदा ७ बढी पसल जलेर नष्ट भएको छ ।

नेपालगञ्जको बिपी चोक सुर्खेत रोड आर्या ट्रेडर्स फर्निचर पसलबाट बिहान करिव ४ः४५ बजेतिरबाट आगलागी सुरु भएको बताइएको छ । बागेश्वरी मन्दिर जाने बाटोमा रहेको उक्त पसलबाट सल्केको आगोले यो समाचार तयार हुँदा सम्म ७ वटा पसल जलेर नष्ट भएको छ ।

आगलागी नियन्त्रणका लागि नेपालगन्ज उपमहानगरपालिकाको दुई वटा दमकल र कोहलपुरबाट आएको दमकलले आँसिक निमन्त्रणमा लिएको छ । पसलहरुबाट धुँवा आइरहेकाले पूर्ण नियन्त्रणको प्रयास भइरहेको प्रहरीले जनाएको छ ।आगलागी भैरहेको टोलमा लस्करै करिब १४,१५ वटा फर्निचरको पसल रहेकोले एकपछि अर्को पसलमा आगो सल्किदै गएका कारण नियन्त्रणमा समय लागेको बाँके प्रहरी प्रवक्ता नारायण डाँगीले बताए । ‘एउटा पसलमा आँसिक क्षती भएको छ, बाँके सबै पसल जलेर नष्ट भएको छ ।’ उनले भने । पूर्णरुपमा आगो नियन्त्रणमा आएपछि मात्र क्षतीको विवरण संकलन गर्न सकिने डीएसपी डाँगीले बताए ।