काठमाडौं, १६ कात्तिक । सत्तारुढ दल नेपाली कांग्रेसका सांसद सञ्जय गौतमले संसद् बैठकमा एक मिनेट मौनधारण गरेका छन् । बिहीबारको प्रतिनिधिसभा बैठकमा शून्य समयमा बोल्ने पालो आउँदा उनले मौनधारण गरेका हुन् ।
आफूले आफ्नो निर्वाचन क्षेत्र बर्दियाको विषयसहित उठाएका अन्य विषय सरकारले नसुनेको भन्दै सांकेतिक रुपमा मौनधारण गरेर सरकारको विरोध गरेका हुन् ।
आफ्नो निर्वाचन क्षेत्रमा पटकपटक आवाज उठाउँदा पनि पुल निर्माण नभएको भन्दै उनी पुलमुनि गएर अनसन बसेका थिए । जबदी पुलमुनि १५ बुँदे माग राख्दै गएको जेठमा उनी आमरण अनसनमा बसेका थिए ।
सरकारसँग सहमति गरेर अनसन तोडे पनि सहमति कार्यान्वयन नभएको भन्दै पटकपटक उनले आवाज उठाउँदै आएका छन् ।
प्रतिक्रिया दिनुहोस्