काठमाडौं १८ चैत । नेकपा माओवादी केन्द्रका सांसद देवेन्द्र पौडेलले शान्ति प्रक्रिया टुंग्याउने कामलाई बार्गेनिङको विषय नबनाउन आग्रह गरेका छन् । प्रतिनिधिसभाको आइतबारको बैठकमा सांसद पौडेलले शान्ति प्रक्रियाको बाँकी काम टुंग्याउने विषयलाई बार्गेनिङको विषय नबनाउन दलहरूलाई आग्रह गरेका हुन् ।
शान्ति प्रक्रिया टुंग्याउने कामलाई बार्गेनिङको विषय नबनाऔँ स् सांसद पौडेल
संसद्भित्रका दल सत्तापक्ष र प्रतिपक्षमा आलोपालो हुने गरेको भन्दै सांसद पौडेलले संविधानले निर्दिष्ट गरेका कानुन बनाउने कुरामा सबै एकै ठाउँमा हुनुपर्ने बताए । सत्य निरुपण तथा मेलमिलाप आयोग र बेपत्ता पारिएका व्यक्तिहरूको छानबिन आयोगसँग सम्बन्धित विधेयकलाई छिटोभन्दा छिटो टुंग्याउनुपर्ने उनको भनाइ थियो ।
संघीयता कार्यान्वयनका लागि कानुन मन्त्रालयले १ सय १७ वटा विधेयकको तयारी गरेको छ । तर संसद्को काम गराइ भने सुखद् नरहेको सांसद पौडेलको भनाइ थियो ।
ुयो भन्दा पहिलाको सदनको कुरा हेर्दा निकै दुःख लाग्दोगरी एकाध बाहेक हामीले आपसमा कटाक्ष गर्नेबाहेक महत्वपूर्ण काम गर्न सकेनौँ । यो अधिवेशन र यसपछि हुने अधिवेशनले कानुन मन्त्रालयले तयार पारेका यसप्रकारका ऐनहरूलाई टुंगो लगाएर देशलाई एउटा निश्चित प्रणालीमा लिएर जानुपर्ने इतिहासको आवश्यकता बनिसकेको छ,ु उनले भने, टीआरसीसँग सम्बन्धित कानुन बनिसकेको छैन ।
हामी दलका प्रतिनिधिहरू यही सदनभित्र बस्दा कहिले कुन त कहिले कुन खण्डमा गएर बस्छौँ । तर संविधानले निर्दिष्ट गरेका कतिपय कानुनहरू बनाउने प्रसंगमा हामी सबै एक ठाउँमा हुन आवश्यक छ ।
सत्य निरुपण तथा मेलमिलाप आयोग र बेपत्तासम्बन्धी छानबिन आयोग पनि यत्तिकै अल्झिएर बसेको छ । हामी यसलाई छिटै टुंगो लगाउनुपर्ने छ । यसको निम्ति कसैले पनि बार्गेनिङको विषय नबनाऔँ ।
संसद्सामू संक्रमणकालीन न्यायसँग सम्बन्धितका साथै अन्य कानुन पनि निर्माण गर्नुपर्ने पौडेलको भनाइ थियो । उनले भने, ुशिक्षा ऐन, निजामती ऐन ल्याउन सकेका छैनौँ । वन ऐन, प्रहरी ऐन, भूमि ऐन जस्ता कानुन हामीले ल्याउन नसक्दाखेरी तीन तहको सरकारको संरचना व्यवस्थित रुपमा जनताका बीचमा कार्य सम्पादनमा आगाडि बढेर नागरिकलाई विश्वस्त दिलाउन सकेका छैनन् ।
यी सरकारलाई प्रभावकारी बनाउन कानुनको आवश्यकता छ । सदन कटाक्ष गर्ने थलो नबनोस् । सदन परिणाममुखि थलो बनोस् ।’
प्रतिक्रिया दिनुहोस्