काठमाडौं १३ बैशाख । नेकपा एमाले० का वरिष्ठ उपाध्यक्ष ईश्वर पोखरेलले मनमोहन अधिकारीलाई कम्युनिष्ट आन्दोलनको निरन्तरताको पर्यायको रुपमा बुझ्न आवश्यक रहेको बताउनुभएको छ । बिहीवार ललितपुरमा मनमोहन स्मृति प्रतिष्ठानको आयोजनामा भएको कार्यक्रममा सो कुरा बताउनुभएको हो ।

मनमोहन अधिकारीको २५ औं स्मृति दिवसको अवसरमा आयोजित कार्यक्रमलाई सम्बोधन गर्दै उहाँले स्व। नेता अधिकारी अनेक उत्तारचढाव खेप्नु भएको चर्चा गर्नुभयो । उहाँले शासन सत्तामा रहँदा मात्र नभइ स्व। नेता अधिकारी प्रतिकुल अवस्थामा समेत स्थिर रहनुभएको बताउनुभयो । कम्युनिष्ट आन्दोलनभित्र देखापर्ने कुनै पनि अतिवादमा स्व। अधिकारी नपर्नुभएको उहाँले चर्चा गर्नुभयो ।

स्वभाव र विचारमा नरम देखिए पनि देब्रे वा दाहिने विचार र प्रवृत्तिको बिरोधमा उहाँ रहनुभएको बताउनुभयो । अहिलेको कम्युनिष्ट आन्दोलनमा लागेका विद्यार्थीले मनमोहन अधिकारीको सादगीपूर्ण जीवनीको बारेमा जान्न आवश्यक रहेको उहाँले चर्चा गर्नुभयो ।

उहाँले भन्नुभयो, ‘मनमोहन अधिकारीलाई हामीले कम्युनिष्ट आन्दोलनको निरन्तरताको पर्यायको रुपमा बुझ्नुपर्छ । उहाँका जीवनमा अनेक उत्तारचढाव आए तर कहिल्यै खण्डित हुनु भएन । कहिल्यै पनि विश्रृंखलित हुनु भएन ।’ शासन सत्तामा रहँदा मात्र होइन, अत्यन्त प्रतिकुल अवस्थामा समेत उहाँले जिम्मेवारीपूर्वक काम गर्नुभएको उहाँले स्मरण गर्नुभयो ।

‘हामी मनमोहन अधिकारीलाई कम्युनिष्ट आन्दोलनको निरन्तरताको अर्को नामका रुपमा लिने गर्दछौँ । कम्युनिष्ट आन्दोलनभित्र देखापर्ने कुनै पनि अतिवादमा उहाँ रहनु भएन’ उहाँले थप्नुभयो, “उहाँ स्वभावमा नरम देखिए पनि, विचारमा नरम देखिए पनि, देब्रे वा दाहिने विचार र प्रवृत्तिको बिरोधमा रहनुभयो । उहाँ कहिले पनि त्यो व्यवहारप्रति सहमत हुनु भएन ।’

वरिष्ठ उपाध्यक्ष पोखरेलले स्व। मनमोहन अधिकारी भूराजनीतिक संवेदनशीलताप्रति गम्भीर रहनुभएको बताउनुभयो ।