काठमाडौं ३ जेठ । प्रमुख प्रतिपक्षी दल नेपाली कांग्रेसले प्रतिनिधिसभाको बैठकमा अनिवार्य उपस्थित हुन निर्देशन दिएको छ । बिहीबार ११ बजेका लागि बोलाइएको प्रतिनिधिसभाको बैठकमा अनिवार्य उपस्थित हुन कांग्रेस संसदीय दलले आफ्ना सांसदहरूलाई एसएमएस गरेको छ ।
संसद् बैठकमा अनिवार्य उपस्थितिका लागि निर्देशन आएको राज्य व्यवस्था तथा सुशासन समितिका सभापति समेत रहेका कांग्रेस सांसद रामहरि खतिवडाले रातोपाटीलाई जानकारी दिए ।
गृहमन्त्री रवि लामिछानेमाथि संसदीय छानबिन समिति नबनाएसम्म संसद् चल्न नदिने अडान लिँदै आएको छ । सभामुख देवराज घिमिरेले सदन सहज ढङ्गले सुचारु गर्नका लागि दलका प्रमुख सचेतकसँग छलफल गरिरहेका छन्।
प्रतिक्रिया दिनुहोस्