काठमाडौं ६ जेठ । काठमाडौँ महानगरपालिकाले गौशाला चोकमा सडक क्षेत्र अतिक्रमण गरी बनाइएका घरहरूमा डोजर चलाएको छ। आइतबार बिहान सडक किनारा अतिक्रमण गरी बनाइएका घर तथा पसलहरूमा डोजर चलाइएको हो।
काठमाडौँ महानगर प्रहरी बलका अनुसार, अतिक्रमित संरचना हटाउन चार वटा डोजर प्रयोग गरिएको थियो।
पछिल्ला दुई वर्षयता काठमाडौँमा अतिक्रमित भवन र सडकपेटीहरूमा महानगरले डोजर चलाउँदै आएको छ। महानगर प्रहरीका अनुसार आजबाट सो क्षेत्रमा अतिक्रमित घरहध भत्काउन थालिएको हो।
गौशालाबाट एयरपोर्टतर्फ जाने सडक खण्डमा सडक सीमाभित्र पर्ने अन्य घरहरू पनि भत्काइने महानगर प्रहरीले जनाएको छ।
आइतबार ६ वटा घरहरूमा डोजर चलाइएको थियो।
प्रतिक्रिया दिनुहोस्