काठमाडौं १० जेठ । उदयपुर सिमेन्ट उद्योगको महाप्रबन्धकमा ३ जनाको नाम सिफारिस भएको छ। महाप्रबन्धक पदमा खुल्ला प्रतिस्पर्धात्मक प्रतियोगिताबाट पदपूर्तिमा सिफारिस समितिले ३ जनाको नाम पठाएको हो।

उद्योग मन्त्रालयका अनुसार बझाङको जयपृथ्वी नगरपालिका घर भएका इन्जिनियर गोरखबहादुर जोशी, काठमाडौंका संजय कुमाल लाल र भक्तपुरका सुरेश कुमार कार्की सिफारिस भएका छन्।

उद्योग मन्त्रालयले २०८० भदौ २३ गते दरखास्त आह्वान गरेको थियो। जसमा सबैभन्दा बढी अंक प्राप्त गर्ने ३ जनाको नाम सार्वजनिक गरेको छ।

बिहीबार सिंहदरबारमा मन्त्रिपरिषद्को बैठक बस्दै छ। उद्योग मन्त्रालयको सिफारिसमा महाप्रबन्धक नियुक्त गर्ने सम्भावना छ।

त्यस्तै मन्त्रालयले हेटौंडा सिमेन्ट उद्योगको रिक्त पदमा ३ जनाको उम्मेदवारी स्ववीकृत गरेको छ। सप्तरीका सञ्जीव कुमार देव, मकवानपुरका नरेन्द्र भण्डारी र सिन्धुपाल्चोकका ई कृष्णभद्र आर्यालको उम्मेदारी स्वीकृत गरेको छ।

बैतडीका शंकर सिंह विष्टले पेश गरेको अनुभवसम्बन्धी कागजातमा न्यूनतम अवधि पूरा नदेखिएकाले दरखास्त अस्वीकृत गरेको छ।

मन्त्रालयले जेठ १३ गते ३ उम्मेदवारलाई अन्तर्वार्ताको लागि बोलाएको छ।