काठमाडौं १८ भदौ । एन्फा महिला लिगअन्तर्गत मंगलबारको पहिलो खेलमा चन्द्रपुर नगरपालिका र कर्णाली प्रदेशले बराबरी खेल्दै अंक बाँडेका छन्।
ललितपुरको सातदोबाटोस्थित एन्फा कम्प्लेक्स मैदानमा भएको दिनको पहिलो खेलमा चन्द्रपुर र कर्णाली प्रदेशले १–१ को बराबरी गर्दै अंक बाँडेका हुन्।
पहिलो हाफको सातौँ मिनेटमा सुनकला राईको गोलमा कर्णाली प्रदेशले सुरुवाती अग्रता बनाएको थियो।
तर पहिलो हाफको इन्ज्युरी समयमा रजनी थोकरको गोलमा चन्द्रपुर नगरपालिका खेलमा फर्किएको थियो।
दोस्रो हाफमा दुवै टोलीले गोलको प्रयास गरे पनि सफल हुन नसक्दा अंक बाँडे।
खेलको प्लेयर अफ दि क्याच चन्द्रपुरकी सजनी थोकर बनिन्। उनले पाँच हजार रुपैयाँ प्राप्त गरिन्।
आजै हुने लिगको दोस्रो खेलमा एपीएफ फुटबल क्लब र नेपाल पुलिस क्लब भिड्नेछन्।
प्रतिक्रिया दिनुहोस्