काठमाडौं १३ असोज । ओमान सम्मिलित टी(२० आई त्रिकोणात्मक सिरिजको पहिलो खेलमा नेपाल क्यानडासँग पराजित भएको छ।
शनिबार राति क्यानडाको किङ सिटीमा भएको खेलमा नेपाल घरेलु टोलीसँग १४ रनले हारेको हो।
क्यानडाले दिएको १ सय २४ रनको लक्ष्य पछ्याएको नेपाल १९ ओभरमा १ सय ९ रन बनाउँदा अलआउट भयो।
नेपालका लागि कप्तान रोहित पौडेलले बनाएको ३७ रन नै सर्वाधिक रह्यो। उनले ३९ बलमा २ चौका २ छक्का प्रहर गरे।
कुशल मल्लले १२, देव खनालले ११ तथा सन्दीप लामिछानेले १० रन बनाए। अन्य ब्याटरले दोहोरो अंकको स्कोर छुन सकेनन्।
नेपाललाई सस्तैमा रोक्न कलिम सना एक्लैले चार विकेट लिए। साद विन जफरले ३ विकेट झारे। प्रवीण कुमार र अखिल कुमारले एकरएक विकेट लिए।
त्यसअघि नेपालले टस जितेर फिल्डिङ रोजेपछि ब्याटिङ गरेको घरेलु टोलीले निर्धारित २० ओभरमा ८ विकेटको क्षतिमा १ सय २३ रनको योगफल तयार पारेको थियो।
क्यानडाका साद विन जफरले २३ तथा श्रेयास मोभ्भाले २२ रन बनाए। प्रवीण कुमारले १९ रन थपे।
सिरिजको दोस्रो खेलमा आज नेपाल ओमानविरुद्ध भिड्दै छ।
प्रतिक्रिया दिनुहोस्