काठमाडौं २८ असोज । इजरायल डिफेन्स फोर्स आईडीएफ ले उत्तरी इजरायलमा रहेको आफ्नो एउटा सैन्य आधार शिविरमा भएको ड्रोन आक्रमणमा ४ सैनिकको मृत्यु भएको र ६० भन्दा बढी घाइते भएको बताएको छ।
यस हमलाको जिम्मेवारी हिजबुल्लाहले लिएको छ।
उत्तरी इजरायलको हाइफा सहरबाट ३३ किलोमिटर टाढा रहेको बेन्जामिननजिकैको आधार शिविरमा आक्रमण गरिएको आईडीएफले जनाएको छ।
हिजबुल्लाहको मिडिया कार्यालयले इजरायली सेनाले बिहीबार दक्षिणी लेबनान र बेरुतमा गरेको आक्रमणको बदलास्वरूप यो ड्रोन आक्रमण गरिएको जनाएको छ।
इजरायली एम्बुलेन्स सेवा एमडीएले यस आक्रमणमा ६१ जना घाइते भएको जनाएको छ।
३७ घाइतेलाई एम्बुलेन्स र हेलिकप्टरमा ८ क्षेत्रीय अस्पतालमा लगिएको बीबीसीले जनाएको छ।
प्रतिक्रिया दिनुहोस्