काठमाडौं ७ कात्तिक । वर्षौंसम्म राजनीतिबाट अलग बसेका विश्वका सबैभन्दा धनी व्यक्तिहरूमध्ये एक बिल गेट्सले भर्खरै उपराष्ट्रपति कमला ह्यारिसको राष्ट्रपतीय उम्मेदवारीलाई समर्थन गरेका छन् । ग्ट्सले ह्यारिसलाई सहयोग गरिरहेको एउटा गै–(नाफामूलक संस्था मार्फत करिब ५० मिलियन डलर चन्दा दिएको न्यूर्योक टाइम्सले समाचार लेखेको छ ।

यो सयहोग गोप्य नै रहने उद्देश्य थियो। माइक्रोसफ्टका संस्थापकहरूमध्येका एक गेट्सले सार्वजनिक रूपमा ह्यारिसलाई समर्थन गरेका छैनन्, र यो चन्दाले उनलाई पहिले कहिल्यै यस्ता चन्दाहरूबाट टाढा राख्ने रणनीतिमा ठूलो परिवर्तनको संकेत गर्दछ द टाइम्सले लेखेको छ ।

टाइम्सका अनुसार यो साथीहरू र अरूसँगको निजी संवादहरूमा, गेट्सले दोस्रो डोनाल्ड ट्रम्पको राष्ट्रपतीय कार्यकाल कस्तो देखिन्छ भनेर चिन्ता व्यक्त गरेका छन् । गेट्सको कमला ह्यारिससँग गहिरो सम्बन्ध छैन, तर उनले बाइडेन–ह्यारिस प्रशासनको जलवायु परिवर्तनमा गरेको कामको प्रशंसा गरेका छन्। गेट्सको परोपकारी संस्था, बिल एण्ड मेलिन्डा गेट्स फाउन्डेसन, ट्रम्प निर्वाचित भएमा परिवार नियोजन र विश्वव्यापी स्वास्थ्य कार्यक्रमहरूमा सम्भावित कटौतीको बारेमा गम्भीर चिन्तित छ, फाउन्डेसन नजिकका दुई व्यक्तिहरूले बताएका छन् ।
गेट्सले आफ्नो चन्दाFuture Forward नामक समूहलाई गरेको बताएको छ । यो संस्था ह्यारिसलाई समर्थन गर्ने बाह्य निधि सङ्कलन समूह हो । गेट्सले आफ्नो ह्यारिस समर्थित चन्दाको कुरा आफ्ना सहकर्मीहरू पूर्व न्यूयोर्क सिटीका मेयर माइक ब्लूमबर्ग संग साझा गरेका थिए । गेट्सको चन्दा विशेष रूपमा को गैर–नाफामूलक शाखा –future forward USA Action  मा गएको हो । यो ५०१(अ०९४) ‘गोप्य’ संगठन हो । यसले आफ्ना दाताहरूको खुलासा गर्दैन । गेट्सको कुनै पनि चन्दा सार्वजनिक रूपमा कहिल्यै देखिनेछैन।’
विश्वकै एक नम्वर धनाढ्य एलन मस्कले रिपव्लिकन उमेद्वार डोनाल्ड ट्रम्पलाई आर्थिक सहयोग गर्ने मात्र होइन स्विंग स्टेटका मत किन्नका लागि लट्री खोलेका छन् । मस्कको यो प्रयोग कानुनी दायरमा परेको छ । यो चुनावम १५० भन्दा पूर्व रिपव्लिकनहरुले कमला ह्यारिसलाई समर्थन गरेका छन् ।त्यसरी समर्थन गर्नेमा पूर्व उपराष्ट्रपति डिक चेनी र उनकी छोरी लिज चेनी समेत रहेका छन्। ट्रम्पका उपराष्ट्रपति बनेका माइक पेन्सले ट्रम्पलाई मत नदिने बताएका छन् भने पूर्व राष्ट्रपतिका उमेद्वार मिट रोम्नीको ट्म्पले सार्वजनिक रुपमै खिल्ली उडाउँदै आएका छन् । अमेरिकी इतिहासमा नै मतदाता किन्ने देखि विदेशी साइवर आक्रमणकारीलाई समेत व्यापक रुपमा प्रयोग गरिएको यसपकको निर्वाचन नै पहिलो हुन लागको अधिकांश अमेरिकी सञ्चारमाध्महरुले लेखिरहेका छन् ।