काठमाडौं १३ फागुन । ऊर्जामन्त्री दीपक खड्का नेपाल विद्युत प्राधिकरणका कार्यकारी निर्देशक कुलमान घिसिङलाई पदबाट हटाउने तयारी गरिरहँदा ऊर्जा राज्यमन्त्री कान्छाराम तामाङ भने यसको विपक्षमा उभिएका छन्।
सोमबार प्रतिनिधिसभा भवन नयाँ बानेश्वरमा पत्रकारहरूसँग कुरा गर्दै राज्यमन्त्री तामाङले घिसिङलाई प्राधिकरणबाट हटाउन नहुने बताएका हुन्।
उनले कुलमानले प्राधिकरणलाई घाटाको अवस्थाबाट नाफा कमाउने अवस्थामा पुर्याएको भन्दै हटाउन नहुने बताए।
नेपालको विद्युत् क्षेत्रको विकासमा धेरै महत्त्वपूर्ण भूमिका कुलमानको रहेको भन्दै उनले कुलमानलाई हटाउने विषयमा बाहिर आएका चर्चा हल्लामात्र भएको दाबी गरे।
कुलमानलाई पूर्णकार्यकाल काम गर्न दिनुपर्ने उनको भनाइ छ। कुलमानको कार्यकाल २०८२ साउन २७ गते सकिन्छ।
प्रतिक्रिया दिनुहोस्