काठमाडौं, ५ चैत । एकदिवसीय मान्यता पाएर नेपाली क्रिकेट टोली सोमबार साँझ काठमाडौँ ओर्लिएको छ। विमानस्थलमा क्रिकेट खेलाडीलाई भव्य स्वागत गरिएको छ।
पारस खड्का नेतृत्वको नेपाली क्रिकेट टोलीलाई खेलकुदमन्त्री जगतबहादुर विश्वकर्मासहित नेपाली क्रिकेटप्रेमीहरुको ठूलो हुलले स्वागत गरेको थियो।
युवायुवतीले क्रिकेट टोलीको सम्मानमा नारा लगाउनुका साथै हुटिङसमेत गरेका थिए।
विश्वकप छनोटमा दोस्रो चरणमा पुग्न नसके पनि नेपाली क्रिकेट टिमले ८औं स्थानमा खेल पूरा गर्दै ४ वर्षका लागि ऐतिहासिक एक दिवसीय मान्यता पाएको छ। नेपालले सन् २०२२ सम्मका लागि एक दिवसीय मान्यता पाएको छ।
जाँदा सम्भावना र सपना लिएर गएको नेपाली टोली एक दिवसीय विपना लिएर फर्किएको छ।
यस्तो थियो विमानस्थलमको दृश्य-
प्रतिक्रिया दिनुहोस्