काठमाडौं २२ चैत । दक्षिण कोरियाका राष्ट्रपति युन सुक येओलका समर्थक र विरोधीहरूले सियोलको सडकमा प्रदर्शन गर्न थालेका छन् ।

राष्ट्रपति युन सुकलाई महाभियोग लगाउने कि नलगाउने भन्ने विषयमा संवैधानिक अदालतले फैसला गर्ने तयारी गरिरहेको बेला उनीहरुले प्रदर्शन शुरु गरेका बीबीसीले जनाएको छ ।

उहाँमाथि गएको डिसेम्बरमा सैनिक शासन घोषणा गरी नागरिक शासन निलम्बन गरेर संसदमा सैनिक पठाउँदा लोकतान्त्रिक दक्षिण कोरियालाई राजनीतिक सङ्कटमा धकेल्नुभएको आरोप छ । उहाँलाई औपचारिकरुपमा पदबाट हटाउने वा नहटाउने निर्णय गर्ने सुनुवाइका लागि तयारी भइरहेको छ ।

संसदले उहाँलाई महाभियोग लगाउने पक्षमा मतदान गर्दा उहाँको शक्ति निलम्बन गरिएको थियो । अब, न्यायाधीशहरूको एक प्यानलले त्यो निर्णयलाई कायम राख्ने कि नराख्ने भन्ने बारेमा फैसला गर्नेछ ।

यदि युनलाई महाभियोग लगाइयो भने ६० दिनमा तुरुन्तै चुनाव हुनुपर्छ । तर महाभियोग लगाइएन भने, उहाँले तुरुन्तै आफ्नो शक्ति पुनः प्राप्त गनुहुने छ ।