काठमाडौं १७ बैशाख । नागरिक उन्मुक्ति पार्टीका संरक्षक रेशम चौधरी डिल्लीबजार कारागारबाट रिहा भएका छन्।

सर्वोच्च अदालतका शाखा अधिकृत महिमानसिंह बिष्टले अनाधिकृत रुपमा पठाएको पत्रका आधारमा पक्राउ परेका चौधरीलाई रिहा गरिएको डिल्लीबजार कारागारका जेलर बलाराम अर्यालले जानकारी दिएका छन्।

उनलाई सोही अनाधिकृत पत्रका आधारमा तत्काल पक्राउ गरेर कारागार राखिएको थियो। ५ घण्टापछि उनलाई बुबा लालवीर चौधरी र पत्नी रञ्जिता श्रेष्ठको जिम्मामा छाडिएको हो।

रेशम छुटेको केहीबेर पहिलेनै उनलाई पक्राउ गर्न पत्र लेख्ने कर्मचारी भने पक्राउ परिसकेका छन्।

सर्वोच्च अदालतका शाखा अधिकृत बिष्टलाई सर्वोच्च अदालत सुरक्षा प्रहरी कार्यालयले पक्राउ गरेको थियो। उनलाई सर्वोच्चले अनुसन्धान गरी कारबाही गर्न जिल्ला प्रहरी परिसर काठमाडौँमा पत्र पठाएको छ।

बिष्टले सर्वोच्चको नाममा गलत पत्र पठाएको पुष्टि भएपछि रेशमलाई रिहा गर्न पनि डिल्लीबजार कारागारमा पत्राचार गरेको थियो। सर्वोच्चको पत्रपछि कारागारले चौधरीलाई रिहा गरेको हो।
त्यसअघि रेशमलाई नागरिक उन्मुक्ति र जनमत पार्टीको एकीकरण सभाबाटै पक्राउ गरिएको थियो। सभा सुरु नहुँदै चौधरी पक्राउ परेसँगै एकीकरण समेत स्थगित भएको छ।

सर्वोच्चले डिल्लीबजार कारागारलाई पत्र लेखेर भन्यो स् रेशमलाई तत्काल छोड्नू
प्रहरीलाई पत्र लेख्ने सर्वोच्चका अधिकृत हिरासतमा, रेशम रिहा हुँदै