काठमाडौ ५ असार । इरानले हानेको क्षेप्यास्त्रले इजरायलको अस्पतालमा क्षति पुर्याएको र धेरै जना घाइते भएको बीबीसीले जनाएको छ।
इरानले अस्पताललाई नै लक्ष्य गरेर आक्रमण गरेको आरोप इजरायलले लगाएको छ।
इजरायलका प्रधानमन्त्री बेन्जमिन नेतन्याहुले एक्समा पोस्ट गरेका छन्, ‘आज बिहान इरानका आतंकवादी तानाशाहहरूले बेरशेबाको सोरोका अस्पताल र नागरिकमाथि क्षेप्यास्त्र आक्रमण गरेका छन्।’
साथै उनले अब इरानले यसको महँगो मूल्य चुकाउनुपर्ने चेतावनी पनि दिएका छन्।
इजरायलको आपत्कालीन सेवाका मेजर डेभिड एडोम एमडीए ले इरानले गरेको आक्रमणमा कम्तीमा ३२ जना घाइते भएको बताएको छ।
सुरुमा जुन १३ मा इजरायलले इरानको आणविक कार्यक्रमुसँग सम्बन्धित स्थलमा आक्रमण गरेयता दुई देशबीच द्वन्द्व जारी छ। यसबीच धेरै जनाको मृत्यु भइसकेको छ।
प्रतिक्रिया दिनुहोस्