काठमाडौ ५ साउन । गएको असार २४ गते ल्हेन्दे खोलामा आएको बाढीका कारण बन्द रहेको स्याफ्रुबेँसी–रसुवागढी सडक एकतर्फ खुलेको छ । हिजो दिउँसोदेखि सडक एकतर्फी खुलेको र साना गाडी चल्न थालेको गल्छी–त्रिशूली–रसुवागढी सडक सुधार आयोजनाले जनाएको छ ।
आयोजनका अनुसार काठमाण्डौबाट छुटको साना गाडी अब सिधै रसुवागढीसम्म पुग्न सक्नेछ । क्रमिक रूपमा मालवाहक ठूलो गाडी पनि चल्न थाल्ने आयोजनाले जनाएको छ ।
सडक विभाग, रसुवागढी र भोटेकोशी जलविद्युत् आयोजनाको डोजर तथा स्काभेटरको सहायताले रसुवागढीसम्मको सडक खुलेको हो । बाढीका कारण स्याफ्रुबेँसीदेखि रसुवागढीसम्म दर्जनौँ ठाउँमा सडक भत्किएको छ ।
प्रतिक्रिया दिनुहोस्