अछाम, २४ चैत । गएराति चट्याङ लागेर चौरपाटी गाउँपालिका –३ गगुडामा १० महिने बालकको मृत्यु भएको छ । मृत्यु हुनेमा रमेश कामीका १० महिने छोरा आयुष कामी रहेको प्रहरीले जानकारी दिएको छ ।
बेलुकी साढे ७ बजेतिर घरमै सुतिरहेको बेला चट्याङ लागेर आयुष कामीको ज्यान गएको हो । चट्याङ लागेर रमेशकी १६ वर्षीया बहिनी सीता कामी गम्भीर घाइते भएकि छिन । घाइते सीताको अनुहारदेखि छातिसम्म जलेको छ । उनको बयालपाटा अस्पतालमा उपचार भैरहेको स्थानीय कृष्ण बहादुर साउदले जानकारी दिए।
चट्याङबाट उहाँको गोठमा बाधिएका ५ वटा बाख्रा र एउटा गोरु पनि मरेको जिल्ला प्रहरी कार्यालय अछामले जनाएको छ ।
प्रतिक्रिया दिनुहोस्