काठमाडौं । अछाम निर्वाचन क्षेत्र नम्बर १ मा नेपाली कांग्रेसका उम्मेदवार भरतबहादुर स्वाँर विजयी भएका छन्। उनले नेपाल कम्युनिस्ट पार्टीका नेता भीम रावललाई ५२६ मतान्तरले पराजित गरेका हुन्।
निर्वाचन आयोगका अनुसार स्वाँरले १० हजार ७५९ मत प्राप्त गरे भने उनका निकटतम प्रतिस्पर्धी रावलले १० हजार २३३ मत पाए।
यसैगरी नेकपा (एमाले) का उम्मेदवार दीपकबहादुर साउदले ७ हजार ३८९ मत प्राप्त गर्दै तेस्रो स्थान हासिल गरेका छन्।
राष्ट्रिय स्वतन्त्र पार्टी (रास्वपा) का उम्मेदवार ओमप्रकाश रावलले १ हजार ७३९ मत प्राप्त गरेका छन् भने राष्ट्रिय प्रजातन्त्र पार्टी (राप्रपा) का उम्मेदवार लोकेन्द्रबहादुर शाहको पक्षमा १०२ मत खसेको छ।
प्रतिक्रिया दिनुहोस्