काठमाडौ, चैत्र , २६ गते, नेपाली कांग्रेसका सांसद खडक बहादुर बुढाले जाजारकोटका नागरिक टिनको छानो मुनि रात काट्न बाध्य भएको बताएका छन । संसदमा बोल्दै उनले यस्तो बताएका हुन । २०८० साल कात्तिक १७ गते जाजारकोटको रानी डाडा केन्द्रविन्दुु भएर आएको भुकम्पले ठुलो जनधनको क्षति पुराएको संसदमा उनले स्मरण गराए । भुकम्पबाट जाजारकोट पश्चिम र सल्यान जिल्लाका केहि भाग गरि करिव ८० हजार आवास क्षति ग्रस्त भएको उनको भनाई छ । जाजरकोट भूकम्प २०८० बाट प्रभावित संरचनाहरूको पुनर्निर्माण कार्य अझै सुस्त रहेको भन्दै उनले चिन्ता व्यक्त गरे । पीडित नागरिकलाई राहत र पुनर्निर्माणमा तीव्रता दिन पनि बुढाले जोड दिँए । उनले नागरिको सुरक्षित आवास र पुननिर्माणका लागि सरकारको गंभिर ध्यानाआकर्षण पनि गराएका छन । त्यस्तै संसदमा बुढाले मध्यपहाडी राजमार्ग तथा पुष्पलाल लोकमार्गको निर्माण योजना १२ वर्षदेखि अलपत्र परेको भन्दै सरकारको ध्यानाआकर्षण गराएका छन । साथै, विभिन्न सडक आयोजना, पुल निर्माण, प्रशासनिक कार्यालय विस्तार तथा जग्गा मुआब्जा वितरणका कामहरू छिटो अघि बढाउनुपर्ने आवश्यकता औंल्याउँदै सरकारले तत्काल कदम चाल्नुपर्ने माग उनले गरेका छन ।