काठमाडौं, २६ जेठ । पर्सा जिल्ला अदालतबाट राष्ट्रिय स्वतन्त्र पार्टीका सभापति रवि लामिछानेविरुद्ध चलिरहेको संगठित अपराधको मुद्दा फिर्ता भएको छ।महान्यायाधिवक्ताको निर्णयअनुसार सरकारी वकिलमार्फत जिल्ला अदालतमा आरोपपत्र संशोधनका लागि निवेदन परेको थियो।आज न्यायाधीश मोहन सुवेदीको इजलासले सोही निवेदनका आधारमा आरोपपत्र संशोधनको आदेश गरेको अदालतका तहसिलदार देवराज भट्टराईले जानकारी दिए।
अब पर्सामा रवि लामिछानेमाथि सहकारी ठगीसम्बन्धी मुद्दामात्रै कायम रहेको छ। उक्त मुद्दाका आरोपी र पीडितबीच मिलापत्र हुने बाटो पनि खुला भएको छ। मिलेमा सहकारी ठगीको पनि मुद्दा फिर्ता गर्न सकिन्छ।यसअघि कास्की अदालतबाट उनीमाथिको सम्पत्ति शुद्धीकरण र संगठित अपराधको मुद्दा फिर्ता भइसकेको छ।
८ असार २०८३, सोमबार
पर्सा अदालतबाट पनि फिर्ता भयो रवि लामिछानेको संगठित अपराध मुद्दा
एबीसी न्यूज
२६ जेष्ठ २०८३, मंगलबार ८ : ३५ बजे
प्रतिक्रिया दिनुहोस्