काठमाडौं ११ असार । आजका लागि तय गरिएको प्रतिनिधिसभाको बैठक फेरि स्थगित भएको छ। दिउँसो १ बजे बस्ने तय भएको बैठक सूचना टाँस गरी स्थगित गरिएको हो।
यसअघि बिहीबार बस्नुपर्ने बैठक पनि स्थगित गरेर आजका लागि सारिएको थियो। संसद सचिवालयले जारी गरेको सूचनाअनुसार अब प्रतिनिधिसभाको बैठक भोलि बिहान ११ बजे बस्ने तय गरिएको छ।
सत्तारुढ राष्ट्रिय स्वतन्त्र पार्टी (रास्वपा)को महाधिवेशन लम्बिएपछि संसद बैठक प्रभावित भएको हो। सभामुखसहित रास्वपाका अधिकांश सांसद महाधिवेशनमा सहभागी भएकाले आवश्यक उपस्थिति सुनिश्चित हुन नसक्दा बैठक पटक–पटक स्थगित हुँदै आएको छ।
रास्वपाको महाधिवेशन अझै जारी रहेकाले संसदको नियमित कार्यसूची पनि प्रभावित बनेको छ।
प्रतिक्रिया दिनुहोस्