काठमाडौं । राष्ट्रियसभामा नेपाली कम्युनिस्ट पार्टी (नेकपा) संसदीय दलका नेता झक्कुप्रसाद सुवेदीले सरकारले आफूहरूका उचित सुझाव समेत नमान्ने गरेको आरोप लगाएका छन् । शनिबार (साउन १६) बसेको विधायन व्यवस्थापन समितिको बैठकमा उनले राष्ट्रियसभाले दिएका सुझावलाई सरकारले बेवास्ता गर्ने प्रवृत्ति बढेको आरोप लगाएका हुन् ।

संविधानले राष्ट्रियसभालाई सीमित अधिकार दिएको उनले उल्लेख गरे । सरकारले विधेयकमाथि सांसदहरूले दिएका आवश्यक सुझाव समेत स्वीकार नगरेको उनले गुनासो गरे ।

हालै राष्ट्रियसभाका सबै सदस्य एकमत भएर सहकारीसम्बन्धी विधेयकमा संशोधनका निम्ति सुझाव दिएको उनले स्मरण गरे । उक्त सुझावलाई सरकारले अस्वीकार गरेको उनले बताए ।

उनले सही र अनिवार्य परिमार्जनको प्रस्ताव राखे पनि सरकारले नमानेका कारण हुबहु विधेयक पास गरेर पठाइदिएको उल्लेख गरे । न्युज एजेन्सी नेपाल

Originally published on abcnews.com.np.