काठमाडौं । साताको पहिलो कारोबार दिन सोमबार शेयर बजारमा सामान्य गिरावट आएको छ। नेप्से परिसूचक ९ दशमलव ०४ अंकले घटेर २ हजार ६ सय ४१ दशमलव ०५ विन्दुमा पुगेर बन्द भएको हो।

बजारमा कारोबार भएका १३ उपसमूहमध्ये ४ वटा समूहको सूचक बढेको छ भने ९ वटा समूह घटेका छन्। लघुवित्त समूह सर्वाधिक ० दशमलव १९ प्रतिशतले बढ्दा व्यापार समूहमा सर्वाधिक ० दशमलव ८६ प्रतिशतको गिरावट आएको छ।

सोमबार ८२ कम्पनीको शेयर मूल्य बढेको छ भने १८० कम्पनीको शेयर मूल्य घटेको छ। १४ कम्पनीको शेयर मूल्य भने स्थिर रह्यो।

३ अर्ब ६७ करोडको कारोबार

सोमबार शेयर बजारमा कुल ३ अर्ब ६७ करोड रुपैयाँ बराबरको कारोबार भएको छ। कारोबार रकमका आधारमा सोलु हाइड्रोपावर शीर्ष स्थानमा रहेको छ।

उच्च कारोबार हुने कम्पनीमा सोलु हाइड्रोपावर, शिवम् सिमेन्ट, नेपाल लाइफ इन्स्योरेन्स, कुमारी बैंक, प्रभु बैंक, एनआईसी एशिया बैंक, रिलायबल नेपाल लाइफ इन्स्योरेन्स, नागरिक लगानी कोष, अपर तमोर हाइड्रोपावर र गुराँस लघुवित्त वित्तीय संस्था रहेका छन्।

समग्रमा सोमबार शेयर बजारमा खरिदकर्ता र बिक्रीकर्ताबीचको दबाबका कारण नेप्से परिसूचक एकल अंकले घटेको देखिएको छ।

Originally published on abcnews.com.np.