काठमाडौं । नेकपा एमालेका सांसद गणेश ठगुन्नाले गृहमन्त्री सुधन गुरुङले संसदीय समितिलाई कम महत्त्व दिएको आरोप लगाएका छन्।
बुधबार बसेको सार्वजनिक लेखा समितिको बैठकमा जारी उजुरीमाथि छलफल गर्न गृहमन्त्री गुरुङलाई बोलाइएको थियो। तर, गृहमन्त्री बैठकमा उपस्थित भएनन्।
गृहमन्त्रीको अनुपस्थितिप्रति आपत्ति जनाउँदै सांसद ठगुन्नाले सुरक्षा निकायका प्रमुखहरू समितिको बैठकमा उपस्थित हुँदा गृहमन्त्रीले अभिभावकत्व ग्रहण गर्नुपर्ने बताए।
महत्त्वपूर्ण विषयमा छलफल भइरहेका बेला पनि गृहमन्त्री उपस्थित नहुनु संसदीय समितिप्रतिको बेवास्ता भएको उनको टिप्पणी थियो।
बैठकमा गृहसचिव राजकुमार श्रेष्ठले गृहमन्त्री गुरुङ कार्यव्यस्तताका कारण उपस्थित हुन नसकेको जानकारी गराएका थिए।
Originally published on abcnews.com.np.
प्रतिक्रिया दिनुहोस्