रोल्पा । थवाङ गाउँपालिका–५ कोटलबारा गाउँमा चार दिनअघि गएको पहिरोमा परी मृत्यु हुनेको संख्या १२ पुगेको छ। पहिरोमा बेपत्ता भएका एक वृद्धको शव शनिबार फेला परेसँगै मृतकको संख्या १२ पुगेको हो।
जिल्ला प्रहरी कार्यालय रोल्पाका प्रहरी निरीक्षक कृष्ण श्रेष्ठका अनुसार पहिरोमा परी बेपत्ता भएका थवाङ–५ कोटलबाराका ८० वर्षीय अजम्बर पुन मगरको शव प्युठानको सरुमारानी गाउँपालिका–२ ददेरीस्थित राप्ती नदीमा फेला परेको हो।
उनका भतिजा सुशीलले शवको सनाखत गरेको प्रहरी निरीक्षक श्रेष्ठले जानकारी दिए।
पहिरोमा परी थवाङ–५ का नौ वर्षीय अशिम पुन मगर भने अझै बेपत्ता छन्। उनको खोजी भइरहेको प्रहरीले जनाएको छ।
Originally published on abcnews.com.np.
प्रतिक्रिया दिनुहोस्