काठमाडौँ । बजारमा खाना पकाउने ग्यासको अभाव भइरहेका बेला उपभोक्तालाई राहत दिन नेपाल आयल निगम र जिल्ला प्रशासन कार्यालय, काठमाडौँको समन्वयमा भोलि बिहान ११ बजेदेखि साँझ ५ बजेसम्म सात स्थानबाट ग्यास सिलिन्डर बिक्री गरिने भएको छ।

सम्बन्धित ग्यास उद्योगसँगको सहकार्यमा तोकिएका स्थानमा विभिन्न ब्रान्डका एलपी ग्यास उपलब्ध गराइने निगमले जनाएको छ। ग्यास खरिद गर्न जाने उपभोक्ताले नागरिकता वा राष्ट्रिय परिचयपत्र अनिवार्य रूपमा साथमा लैजानुपर्नेछ।

निगमले एलपी ग्यासको आयात नियमित रूपमा भइरहेको स्पष्ट पार्दै उद्योगहरूलाई आधिकारिक विक्रेतामार्फत बजारमा सहज आपूर्ति व्यवस्था मिलाउन निर्देशन दिएको जनाएको छ।

यी हुन् ग्यास बिक्री हुने ७ स्थान

आवश्यक कागजात लिएर जान आग्रह

निगमले लामो समयदेखि ग्यास नपाएका तथा अत्यावश्यक अवस्थामा रहेका उपभोक्तालाई तोकिएका केन्द्रमा समयमै उपस्थित हुन आग्रह गरेको छ।

ग्यास वितरणलाई व्यवस्थित बनाउन नागरिकता वा राष्ट्रिय परिचयपत्रको आधारमा बिक्री गर्ने व्यवस्था गरिएको हो। निगम र जिल्ला प्रशासन कार्यालयले बजारमा ग्यासको आपूर्ति सहज बनाउन संयुक्त रूपमा काम गरिरहेको जनाइएको छ।

Originally published on abcnews.com.np.