झापा । टिपरको ठक्करबाट झापामा एक जना साइकलयात्रीको मृत्यु भएको छ ।
जिल्ला प्रहरी कार्यालय झापाका अनुसार शनिबार साँझ झापा गाउँपालिका–३ का ६५ वर्षीय इशनलाल गणेशलाई टिपरले ठक्कर दिएको थियो । गम्भीर घाइते भएका गणेशलाई उपचारका लागि बिर्तामोडस्थित बीएण्डसी अस्पताल लगिएको थियो । उपचारकै क्रममा उनको मृत्यु भएको प्रहरीले जनाएको छ ।
दुर्घटनापछि टिपर चालक फरार भएका थिए । प्रहरीले झापा गाउँपालिका–३ कामाटोलीका ३६ वर्षीय फागुलाल राजवंशीलाई पक्राउ गरेको छ ।
गणेशको मृत्यु भएपछि आक्रोशित स्थानीयले दुर्घटनामा संलग्न टिपर तोडफोड गरेका थिए । प्रहरीले घटनास्थलको अवस्था नियन्त्रणमा लिएको जनाएको छ ।
घटनाबारे थप अनुसन्धान भइरहेको जिल्ला प्रहरी कार्यालय झापाले जनाएको छ ।
Originally published on abcnews.com.np.
प्रतिक्रिया दिनुहोस्