काठमाडौं । नाग पञ्चमी नजिकिएसँगै काठमाडौं उपत्यकाका बजारमा नागका तस्वीर तथा चित्रको व्यापार बढेको छ । श्रावण शुक्ल पञ्चमीका दिन मनाइने नाग पञ्चमीमा घरको मूलढोकामा नागको तस्वीर टाँस्ने परम्पराअनुसार बजारमा यस्ता सामग्रीको माग बढेको हो ।
काठमाडौंको असन, इन्द्रचोकलगायत क्षेत्रमा व्यापारीहरूले नागका तस्वीरसँगै गोबर, दुबो र दूध बिक्रीका लागि राखेका छन् ।
व्यापारीका अनुसार नागका तस्वीर प्रतिगोटा १० देखि १०० रुपैयाँसम्ममा बिक्री भइरहेका छन् । नाग पञ्चमीका दिन घरको मूलढोकामा नागको तस्वीर टाँसेर पूजा गर्ने धार्मिक परम्परा रहेको छ ।
फोटो पत्रकार केशव गुरुङले असन र इन्द्रचोक क्षेत्रमा नाग पञ्चमीका लागि बिक्रीमा राखिएका नागका तस्वीर तथा पूजाका सामग्रीको दृश्य आफ्नो क्यामेरामा कैद गरेका छन् ।
Originally published on abcnews.com.np.
प्रतिक्रिया दिनुहोस्