गोरखा । गृहमन्त्री सुधन गुरुङले बूढीगण्डकी जलविद्युत् कम्पनी लिमिटेडको फिल्ड कार्यालयको स्थलगत अनुगमन गर्दै आयोजनाको अवस्था र भइरहेको कामबारे जानकारी लिएका छन् ।

गण्डकी गाउँपालिका–१, भिम्चुलिनारस्थित फिल्ड कार्यालय पुगेका मन्त्री गुरुङले सम्बन्धित अधिकारीसँग आयोजना कार्यान्वयनको अवस्थाबारे छलफल गरेका हुन् । उनले कार्यालयबाट भइरहेका गतिविधि, आयोजनाको प्रगति तथा स्थानीयस्तरमा देखिएका समस्याबारे जानकारी लिए ।

आयोजना र स्थानीय समस्या बुझ्न स्थलगत अनुगमन

गृहमन्त्री गुरुङले बूढीगण्डकी जलविद्युत् आयोजनाको कार्यान्वयनमा देखिएका चुनौती तथा स्थानीयस्तरका समस्याबारे स्थलगत जानकारी लिने उद्देश्यले फिल्ड कार्यालयको निरीक्षण गरेका हुन् ।

अनुगमनका क्रममा उनले आयोजनासँग सम्बन्धित कामलाई प्रभावकारी बनाउन आवश्यक समन्वय र समस्या समाधानमा ध्यान दिनुपर्नेमा जोड दिएका छन् ।

Originally published on abcnews.com.np.