काठमाडौं । चलचित्र ‘कंगाल करोडपति’मा अभिनेत्री रक्षा थापा र अभिनेता मञ्जिलकुमार अनुबन्ध भएका छन् । राजु श्रेष्ठले निर्देशन गर्ने चलचित्र सिनेमा पाठशाला प्रालिको ब्यानरमा निर्माण हुन लागेको हो।

अभिनेत्री थापाले ‘बाटो’बाट नेपाली चलचित्रमा अभिनय यात्रा सुरु गरेकी हुन् । उनको पछिल्लो प्रदर्शन भएको चलचित्र ‘बेहुली फ्रम मेघौली’ हो । उनी अभिनीत चलचित्र ‘मास्टर्नी’ यही भदौ ५ गतेदेखि प्रदर्शनमा आउँदैछ।

अभिनेता मञ्जिलकुमारले ‘कोसेढुङ्गा’बाट नेपाली चलचित्र क्षेत्रमा डेब्यु गरेका हुन् । ‘कंगाल करोडपति’मा उनी पनि महत्वपूर्ण भूमिकामा देखिनेछन्।

यसअघि चलचित्रमा अभिनेता मुकुन भुसाल, अभिनेत्री सलिना तामाङ र अभिनेता रेयर राई अनुबन्ध भइसकेका छन् । मुकुन भुसाल र सलिना तामाङले मुख्य भूमिका निर्वाह गर्नेछन् । सलिनाले यही चलचित्रमार्फत नेपाली फिल्ममा डेब्यु गर्न लागेकी हुन्।

चलचित्रको कथा तथा पटकथा सुमन गजमेरले लेखेका छन् । प्रविन आचार्य प्रस्तुतकर्ता रहेको चलचित्रका निर्माता अनिलकुमार बुढाथोकी हुन् । छिरिङ तामाङ, प्रवीन राई र प्रवेश सापकोटा सहनिर्माताका रूपमा छन्।

Originally published on abcnews.com.np.