काठमाडौँ । रामेछापमा ६१ वर्षीया एकल महिलामाथि जबरजस्ती करणी गरेको आरोपमा प्रहरीले २१ वर्षीय युवकलाई पक्राउ गरेको छ।
रामेछाप नगरपालिका–४ तिलबारीकी ६१ वर्षीया महिलामाथि उनकै घरमा जबरजस्ती करणी गरेको आरोपमा सुनसरी घर बताउने प्रेम बिसुंखेलाई प्रहरीले पक्राउ गरेको हो।
प्रहरीका अनुसार घटना हिजो भएको हो। बिसुंखे लिखु बृहत् खानेपानी आयोजनामा मजदुरका रूपमा काम गर्दै आएका थिए। घटनापछि फरार रहेका उनलाई सूचना प्राप्त भएपछि इलाका प्रहरी कार्यालय धोबीडाँडाबाट खटिएको टोलीले खोजी गरेको थियो।
खोजीका क्रममा बिसुंखेलाई आज तिलबारीस्थित कोही नबस्ने घरमा लुकिछिपी बसेको अवस्थामा फेला पारेर नियन्त्रणमा लिइएको प्रहरीले जनाएको छ।
पक्राउ परेका बिसुंखेमाथि घटनाबारे थप अनुसन्धान भइरहेको प्रहरीले जनाएको छ।
Originally published on abcnews.com.np.
प्रतिक्रिया दिनुहोस्