अछाम । अछाममा कर्णाली नदीको जलसतह शुक्रबार बिहान सतर्कता तह पार गरेको छ। नदीमा पानीको बहाव निरन्तर बढिरहेको भन्दै बाढी पूर्वानुमान महाशाखाले तल्लो तटीय क्षेत्रका बासिन्दालाई उच्च सतर्कता अपनाउन आग्रह गरेको छ।

महाशाखाले शुक्रबार बिहान ९ः३७ बजे जारी गरेको सूचनाअनुसार कर्णाली नदीको अछामस्थित जलमापन केन्द्रमा जलसतह सतर्कता तह नाघेर बढ्दो क्रममा रहेको छ।

नदीको बहाव बढिरहेकाले तल्लो तटीय क्षेत्र तथा नदी आसपासका डुबानको जोखिम रहेका स्थानका बासिन्दालाई शुक्रबार बेलुकासम्म विशेष सावधानी अपनाउन भनिएको छ।

डुबान जोखिम भएका क्षेत्रमा सतर्कता

बाढी पूर्वानुमान महाशाखाले नदीको जलसतह अझै बढ्न सक्ने सम्भावना रहेकाले नदी किनार र डुबान भइरहने क्षेत्रका बासिन्दालाई आवश्यक सतर्कता अपनाउन अनुरोध गरेको छ।

महाशाखाले स्थानीय प्रशासन तथा सम्बन्धित निकायलाई समेत सम्भावित बाढी र डुबानको जोखिमलाई ध्यानमा राख्दै आवश्यक तयारी गर्न आग्रह गरेको छ।

Originally published on abcnews.com.np.