काठमाडौं । सुनको भाउ आज फेरि बढेको छ । नेपाल सुनचाँदी व्यवसायी महासंघका अनुसार आज सुनको मूल्य तोलामा ३ हजार ३ सय रुपैयाँले बढेर ३ लाख १६ हजार ७ सय रुपैयाँ पुगेको छ ।

यसअघि बिहीबार सुनको भाउ तोलामा ९ हजार ३ सय रुपैयाँले बढेर ३ लाख १३ हजार ४ सय रुपैयाँ पुगेको थियो । त्यसअघि बुधबार भने सुनको मूल्य तोलामा २ हजार ७ सय रुपैयाँले घटेर ३ लाख ४ हजार १ सय रुपैयाँमा झरेको थियो ।

चाँदीको मूल्य पनि बढ्यो

आज चाँदीको मूल्य पनि बढेको छ । महासंघका अनुसार चाँदी तोलामा १ सय ३० रुपैयाँले बढेर ४ हजार ९ सय ८५ रुपैयाँ पुगेको छ ।

बिहीबार चाँदीको मूल्य तोलामा २ सय ६० रुपैयाँले बढेर ४ हजार ८ सय ५५ रुपैयाँ पुगेको थियो ।

यसअघि माघ १५ गते सुनको भाउ तोलामा २० हजार ५ सय रुपैयाँले बढेर ३ लाख ३९ हजार ३ सय रुपैयाँ पुगेको थियो । नेपाली बजारमा उक्त मूल्य सुनको हालसम्मकै उच्च मूल्य हो ।

त्यस्तै, माघ १५ गते चाँदीको मूल्य पनि तोलाको ७ हजार ५ सय ५ रुपैयाँ पुगेको थियो । यो नेपाली बजारमा चाँदीको हालसम्मकै उच्च मूल्य हो ।

माघ १८ गते चाँदीको मूल्य तोलामा १ हजार ५ सय ६५ रुपैयाँले घटेको थियो, जुन हालसम्मकै ठूलो एकदिने गिरावट हो ।

Originally published on abcnews.com.np.